ဒါလေးသိမှရူးလို့ကောင်းတာ

Musical Knowledge

                   ဒီထက်အဆင့်မြင့်တဲ့ သင်ခန်းစာများကို ရှေ့ဆက်ဖို့ ဂီတသီအိုရီအနည်းအကျဉ်းကို လေ့လာရပါတော့မယ် ။ သီအိုရီဆိုလို့ ခေါင်းမကိုက်ပါနဲ့ဗျာ ။ ဂီတသမားတိုင်း မရှိမဖြစ်သိသင့်တဲ့ အရာတွေလောက်ပဲ တိုတိုတုပ်တုပ် ဖြူဖြူလုံးလုံးလေး ရှင်းပြမှာပါ .. ဟီး ။ စိတ်ဝင်စားဖို့ ကောင်းပါတယ် ။ ကျိတ်မှိတ်ပြီး တစ်ခေါက်လောက်ဖတ်လိုက်ပါအုံး ။ စပြီ .. ။ ။

 

(Sound)အသံ

Sound is the result of sound wave or vibrations of the air.

ဒါပဲ … ဟဲ ဟဲ ။ အသံဆိုတာ လေလှိုင်းတွေရဲ့တုန်ခါနှုန်းကြောင့် ဖြစ်ပေါ်လာတဲ့အရာပါ ။ လေထုရဲ့ တုန်ခါခြင်းတွေကို အသံလှိုင်းလို့ ခေါ်ပါတယ် ။ စတင်ထွက်ပေါ်လာတဲ့ နေရာမှ လေထုရဲ့ တုန်ခါခြင်းကြောင့် လေလှိုင်းများဖြစ်ပေါ်ကာ လေထုထဲမှ အဆင့်ဆင့်ဖြတ်သန်းပြီး ခင်ဗျားရဲ့ နားဆီကိုရောက်လာခြင်းပါ ။ (အတောင်ပံပါရင် မင်းဆီကိုနဲ့ ဘာမှမဆိုင်ဘူးနော် J ) သာမန်အားဖြင့် အသံနှစ်မျိုးရှိပါတယ်။

 

Musical sound and Noise ၊ ဂီတသံ နှင့် ဆူညံသံ

(Musical sound)ဂီတသံ

Musical sound is produced by regular or continuous vibration .

ဂီတသံဆိုတာ တုန်ခါနှုန်းများ အဆက်မပြတ် (သို့) ညီညာစွာ ထွက်ပေါ်နေတဲ့ အသံတွေပဲဖြစ်ပါတယ် ။ တနည်းအားဖြင့် သာယာနာပျော်ဘွယ်ဖြစ်စေတဲ့ အသံတွေကိုပြောခြင်းဖြစ်ပါတယ် ။

 

(Noise)ဆူညံသံ

Noise is produced by irregular vibration.

ဆူညံသံကတော့ ပုံမှန်မဟုတ်တဲ့ မညီညာတဲ့ တုန်ခါခြင်းမှ ထွက်လာတဲ့အသံတွေ ဖြစ်ပါတယ် ။ တနည်းအားဖြင့် သာယာသံမဟုတ်ရင် noiseလို့ ပြောလို့ရပါတယ် ။ ကားဟွန်သံ ၊ ဖန်ခွက်ကွဲသံ ၊ အော်ကြီးဟစ်ကျယ် လင်မယားရန်ဖြစ်သံ ၊ ဝုန်းကနဲတံခါးဆောင့်ပိတ်သံ ၊ လော်စပီကာသံ .. အကုန်လုံး noiseထဲသာထည့်ထားလိုက် … J ။ ကျွန်တော်တို့ ယနေ့နားထောင်၊တီးခတ်နေကြတဲ့ Rock&Metal musicတွေကလည်း အသံဗေဒအရ noiseတွေပါပဲ ။ ကြိုက်တဲ့သူအတွက်တော့ ခေါင်းတဆတ်ဆတ်နဲ့ စည်းချက်လိုက်နေပေမယ့် မကြိုက်တဲ့သူတွေကျတော့ မယ်တယ်သံ ကြားရင်ခေါင်းကိုက်၊ မျက်နှာကြီးရှုံ့မဲ့ပြီး ဝေးရာကိုပြေးရတာပဲ … ။ ဂီတသံနှင့် ဆူညံသံတို့ရဲ့ တုန်ခါနှုန်းများကို ဥပမာပုံတွင်ယှဉ်ပြထားပါတယ် ။

 

Tone

Any musical sound is called Tone .

ဂီတသံ (ဝါ) တူရိယာသံတွေကို  Toneဆိုတဲ့ ဝေါဟာရဖြင့် ခေါ်ဝေါ် အသုံးပြုကြပါတယ် ။ ဒီတော့ ကျွန်တော်တို့က မည်သည့်ဂီတသံကိုမဆို Toneလို့ခေါ်နိုင်ပါတယ် ။ ဂီတသံတွေမှာ သံစဉ်နိမ့်၊မြင့် မတူညီတဲ့အသံ၁၂သံ (twelve tones) ရှိပါတယ် ။ အဲဒါကို pianoကို အသုံးပြုပြီး ရှင်းပြပါမယ် ။ သီအိုရီကို pianoနဲ့တွဲပြီးလေ့လာတဲ့အခါ ပိုပြီးလွယ်ကူရှင်းလင်းပါတယ် ။ pianoရဲ့ Middle C ခလုတ်မှစ၍ ကြည့်ပါ ။ C,D,E,F,G,A,B ဆိုတဲ့ အဖြူရောင်ခလုတ် 7ခုရှိပါတယ် ။ အဖြူရောင်ခလုတ်များရဲ့ကြားမှာ အနက်ရောင်ခလုတ် ၅ခုရှိပါတယ် ။ အဲဒါတွေကတော့ အဖြူရောင်ခလုတ် C နှင့် D , D နှင့် E , F နှင့် G , G နှင့် A , A နှင့် B တို့ရဲ့ကြားမှာဖြစ်ပါတယ် ။ အဖြူရောင်ခလုတ် ၇ခုနှင့် အနက်ရောင်ခလုတ်၅ခု စုစုပေါင်း၁၂ခု ၊ ဂီတသံ၁၂သံဖြစ်ပါတယ် ။ အဲဒီ ၁၂သံကို one octave လို့ခေါ်ပါတယ် ။ pianoတစ်လုံးမှာ သံစဉ်7octavesအထိတီးခတ်နိုင်ပြီး ၊ ဂစ်တာမှာတော့ 3ovtaves ၊အများဆုံး4octavesအထိပဲ တီးခတ်နိုင်ပါတယ် ။

ဒါကတော့ octaves ၃ခုကိုမြင်သာအောင် ရှင်းပြထားတဲ့ပုံပါ ။

Pitch

Pitch is the highness or lowness of a musical sound.

ဂီတသံမှာ တုန်ခါနှုန်းတွေ မတူညီကြတဲ့အတွက် အသံနိမ့်၊အသံမြင့် စသည်ဖြင့် ကွဲပြားနေပါတယ် ။ အသံမြင့်တွေက တုန်ခါနှုန်းများပြီး အသံနိမ့်တွေက တုန်ခါနှုန်းနည်းပါးကြပါတယ် ။ အဲဒီမတူညီတဲ့ ဂီတသံနိမ့်၊မြင့်တွေကို Pitchလို့ခေါ်ပါတယ် ။ Pitchနော် ! Bitch မဟုတ်ဘူး … ဝုတ်ပြီလား :D

 

Intervals

An Interval is the measure of the difference in pitch between any two musical sound.

 Intervalဆိုတာ ဂီတနုတ်၂လုံး(သို့) ဂီတသံနှစ်ခုရဲ့ အကွာအဝေး (သို့) သံစဉ်နိမ့်၊မြင့် ခြားနားချက် ဖြစ်ပါတယ် ။  ဂီတရဲ့ဖွဲ့စည်းပုံကို လေ့လာဖို့အတွက် Intervalဟာ အခြေခံအကျဆုံးနှင့် အရေးအကြီးဆုံး ဒေါက်တိုင်တစ်ခုဖြစ်ပါတယ် ။ Intervalကို ချဉ်းကပ်ဖို့ အရင်ဆုံးလေ့လာဖို့ကတော့ Hlaf-step နှင့် Whole-step ပါ ။ တဝက်နှင့် အပြည့်သံလို့မှတ်ထားလိုက် J

 

Half-step or Semi-tone (တဝက်သံ)

A half-step or semi-tone is the smallest difference of musical interval in pitch.

Half-step (သို့) semi-tone ဆိုတာ ဂီတသံတွေရဲ့ အနည်းဆုံး၊ အငယ်ဆုံး သံစဉ်ကွာခြားချက် ဖြစ်ပါတယ် ။ ဥပမာ - C  မှ C# , E မှ F , F# မှ G .. စသည်တို့မှာ Half-stepများဖြစ်ကြပါတယ် ။ pianoမှာ ကပ်လျက်ခလုတ်များ (အဖြူမှအမည်း) တို့ဖြစ်ပြီး ၊ ဂစ်တာမှာဆိုရင်လည်း  ကပ်လျက် အကွက်များဖြစ်ကြပါတယ် ။

 

Whole step or Whole tone (အပြည့်သံ)

A Whole step or Whole tone is the equivalent of two Half-steps .

Whole step ဆိုတာတော့ Half step ၂ခုနှင့်ညီမျှပါတယ် ။ ဥပမာ - C မှ D , Eb မှ F , G♯ မှ A♯ … စတဲ့ Half step ၂ခုရှိသည့်အကွာအဝေးတိုင်းသည် whole step များဖြစ်ကြပါသည် ။ ဂစ်တာတွင် လက်ကွက် ၁ကွက်ကျော်မှအသံများဖြစ်ပါသည် ။

(ဥပမာပုံထဲကအတိုင်း ကပ်လျက်အသံများမှာ Half step များဖြစ်ကြပြီး ၊ Half step ၂ခုပေါင်းထားသော တကွက်ကျော်မှအသံများသည် whole step များပင်ဖြစ်ပါသတည်း ။ )

 

Degree

A Degree is a step. The step may be either a Half step or Whole step, but it is always from one letter to the next letter.

မည်သည့် Half step (သို့) Whole step မဆို Degree လို့ခေါ်ပါတယ် ။ သို့သော် letterများ ကွဲပြားရပါမည် ။ ဥပမာ- A နှင့် B သည် Whole step ၊ B နှင့် C သည် Half step များဖြစ်ကြ၍ ၄င်းstep ခုလုံးသည် Degree များဖြစ်ကြပါသည် ။ A မှ A♯ , C မှ C♯ ဟူ၍မရှိပါ ။ A မှ Bb, C မှ Dbဟူ၍ဖြစ်ပါသည် ။

The Scales

A Scale or Tone-Ladder is a series or succession of tones arranged in regular order, ascending or descending.

Scale ဆိုတာ  အသံလှေကားထစ်လေးပါပဲ ။ Half step , Whole step များနှင့် ပါဝင်ဖွဲ့စည်းထားပြီး

စနစ်တကျစီစဉ်ထားတဲ့ အသံအစုအဝေးတစ်ခုလို့လည်းပြောနိုင်ပါတယ် ။ Scale ပုံစံပေါင်းများစွာ ရှိပါတယ် ။ အခုလောလောဆယ် အဓိကအခြေခံအကျဆုံးဖြစ်တဲ့ Major scale ကို စတင် လေ့လာ ပါမယ် ။ Major Scale ဆိုတာ Degree ရှစ်ခုပါဝင်တဲ့ scale တစ်ခုဖြစ်ပါတယ် ။ Major scale ရဲ့အစီအစဉ်ကို အောက်ကပုံတွင်ရှင်းပြထားပါတယ် ။

C ဖြင့်စပြီး C ဖြင့်အဆုံးသတ်ထားသော C major scale တစ်ခုရဲ့ဥပမာဖြစ်ပါတယ် ။ C မှ D သို့ whole step, D မှ E သို့ whole step, E မှ F  သို့ half step, F မှ G သို့ whole step, G မှ A သို့ whole step, A မှ B သို့ whole step  နှင့်  B မှ C  သို့ half step တို့ဖြစ်ပါတယ် ။ Major scale pattern ကိုအောက်ပါအတိုင်းကျတ်မှတ်ထားရပါမယ် ။

whole-whole-half-whole-whole-whole-half ဟု formula ကိုကျတ်ထားရပါမယ် ။ Major scale formula နှင့် C major scale ကိုသိတဲ့အခါ တခြားkeyများရဲ့ major scale များကို formula အသုံးပြုပြီး ရှာပါမယ် ။ ရှာဖွေတဲ့အခါ သတိထားရမယ့် စည်းကမ်း၂ခုရှိပါတယ် ။

1. Do not write two note (or) letters in a same degree,
2. Do not skip a letter ; in succession.

၁ ။ scale အစီအစဉ်ထဲမှာ letter ၂လုံးကိုထပ်ရေးလို့မရပါဘူး ။ ဥပမာ - A and A♯ , F and F♯ စသည်ဖြင့်ပါ ။ ၂ ။ letterအလုံးကျော်ရေးလို့မရပါဘူး ။ ဥပမာ - A to C , B to D ဟုကျော်ရေးလို့ မရပါဘူး ။ A-B-C-B… ဟူ၍ letter အစဉ်လိုက်သာရေးသွားရပါမယ် ။ လက်တွေ့စပါမယ် ။ Major scale formula နှင့် circle of fifths ဆိုတဲ့ formula ကိုအသုံးပြုပါမယ် ။ ပထမဆုံး Natural scale ဖြစ်တဲ့ C major scale ကိုရေးချလိုက်ပါ ။ အောက်ပါအတိုင်းဖြစ်ပါတယ် ။ (degree များကို Roman letter ရောမဂဏန်းများဖြင့် ရေးလေ့ရှိပါတယ် ။ ရောမဂဏန်းသေး (1=i,2=ii,3=iii,4=iv, 5=v, 6=vi,7=vii,8=viii) ။ ရောမဂဏန်းကြီး (1=I,2=II,3=III,4=IV,5=V,6=VI,7=VII,8=VIII) စားဖို့မဟုတ်ဘူးနော်! :D ကျွန်တော်ကတော့ ဂဏန်းသေးပဲ ရေးပါမယ် ။

ထိုC major scale မှ ၄င်း၏ 5^th degree ဖြစ်သော Gကိုယူပြီး scaleသစ်တစ်ခု ထပ်ရေးပါမယ် ။ ရေးသားပုံမှာ G ကိုအစထား၍ G ဖြင့်အဆုံးသတ်သည်အထိ letterများကို အစဉ်လိုက် degree ၈လုံး(one octave)ပြည့်အောင် ရေးချလိုက်ပါ ။

အတိုကောက်အဖြစ် (whole step=W) (half step=H) ဟုသုံးပါမည် ။ C major scale ရဲ့ 5^th degree ဖြစ်သော G ကိုအစပြုပြီးရေးလိုက်တဲ့အခါ G-A-B-C-D-E-F-G ဟူသော scale အစီအစဉ်တစ်ခုကို ရပါသည် ။ ထိုscaleကို Major scale formula ဖြစ်သော W-W-H-W-W-W-H ဖြင့် တိုက်ကြည့်ပါမည် ။ ထိုသို့တိုက်ဆိုင်ကြည့်ရာ ထိပ်စီးလွဲ (အဲ.ယောင်လို့) 6^th , 7^th နှင့် 8^th degreesတို့တွင် formula ဖြင့် မကိုက်ညီတာကိုတွေ့ရပါတယ် ။ letterများကို မပြောင်းလဲဘဲ ထိုdegree၃လုံးကို formula ဝင်အောင်စဉ်းစားကြည့်ပါမယ် ။ letterများကို ပြောင်းလဲမရသောကြောင့် Fကို sharpပြုလုပ်ခြင်းဖြင့် သာ အကောင်းဆုံးဖြစ်ပြီး formulaကိုက်ညီသွားတာကိုတွေ့ရပါလိမ့်မယ် ။ အောက်တွင် ရှင်းပြထားသော ပုံကိုကြည့်ပါ ။

one sharp scale

F sharp တစ်ခုပါဝင်သော G major scale ကိုရရှိပါသည် ။ G major scale ဟုခေါ်ဆိုခြင်းမှာ scale၏ အစ(Root note)သည် G ဖြစ်သောကြောင့်ဖြစ်ပါသည် ။  ( Root note ဆိုတာ scale၏ မူလ/ပင်မသံကို ခေါ်ဆိုခြင်းပါ ။ C major scale တွင် C သည် Root note ဖြစ်၍ G major scale တွင် G သည် Root note ဖြစ်ပါသည်။) ထို့နောက် G major scale ၏ 5^th degree ဖြစ်သော D ကို အစပြု၍ D-E-F-G-A-B-C-D ဟူသော scale အစီအစဉ်တစ်ခုကိုထပ်ပြီးရေးသားပါမယ် ။

 

two sharp scale

ထိုသို့ရေးသားပြီး formulaဖြင့် မတိုက်ဆိုင်မီ ယခင်G major scale တွင်ပါဝင်ခဲ့သော F# note ကိုအရင်ဆုံး ပြန်ရေးထည့်ထားလိုက်ပါ ။

ထို့နောက် 6^th , 7^th နှင့်  8^th degrees တို့တွင် formula ပြောင်းပြန်ဖြစ်နေတာကို တွေ့ရပါလိမ့်မယ် ။ တစ်ခုတည်းသောအဖြေဖြစ်သည့် C ကို sharp လုပ်ပေးခြင်းဖြင့် formula ကိုက်ညီသွားတာ တွေ့ရပါလိမ့်မယ် ။

ဒီscaleမှာ F sharp နှင့် C sharp ပါဝင်သော D major scale ကိုရရှိပါတယ် ။ 5^th degree ကိုယူပြီး နောက်ထပ် scaleများကို ထပ်မံလေ့ကျင့်ရန် အောက်တွင်ပေးထားသော လေ့ကျင့်ခန်းများကို ကိုယ်တိုင်ဖြေကြည့်ပါ ။ လွယ်ကူသက်သာဖို့ tip၂ခုကိုမှတ်ထားပါ ။ ၁ - ရှေ့scaleများတွင် ထည့်ခဲ့ပြီးသော (♭,♯) များကို အရင်ပြန်ထည့်ပါ ။ ၂ - 7^th degree ကို sharpလုပ်လိုက်ပါ ။ 

Ques;1

Ques;2

Ques;3

Ques;4

Ques;5

Ques;4 F# နှင့် Ques;4 C# တို့ Root note သည် # ဖြစ်သောကြောင့် အရှေ့နှင့်အနောက် # ၁ခုတည်းသာ သတ်မှတ်ပါမည် ။ အောက်တွင်ပေးထားသော အဖြေများနှင့် တိုက်ကြည့်ပါ ။

Ans;1 – A Major scale

Ans;2 – E Major scale

Ans;3 – B Major scale

Ans;4 – F# Major scale

Ans;5 – C# Major scale

ဒါတွေအားလုံးဟာ sharp scales တွေချည်းပါပဲ ။ Scales အားလုံးကိုဇယားကွက်ဖြင့် ဖော်ပြ ပေး ထားပါတယ် ။ 

Scales နှင့်တကွ ပါဝင်သော sharpများကို အလွတ်ရအောင် ကျတ်မှတ်ထားရပါမယ် ။ လက်ဖြင့်ရေးကျင့်သလို တီး၍လည်းတီးကျင့်ပါ ။ ပါဝင်သော sharpများသည်လည်း scaleများကဲ့သို့ပင် 5^th degree များပင်ဖြစ်ကြပါတယ် ။ scaleများ၏ ပါဝင်သော sharpများကိုလည်း ထိုအစဉ်အတိုင်းပင် ရွတ်ဆိုရပါမည် ။ ဥပမာ - E major scale တွင်ပါဝင်သော sharpsများ … F#,C#,G#,D# စသည်ဖြင့်ကျတ်မှတ်ရပါမယ် ။ အခုလေ့ကျင့်ခဲ့သော Major scale များ၏ Circle of Fifths ပုံမှာအောက်ပါအတိုင်း ဖြစ်ပါသည် ။

Circle of Fifths နှင့် Circle of Fourths ၂မျိုးလုံးပါဝင်ပါတယ် ။ Circle of Fifths မှာ လက်ယာဘက် နာရီလက်တံသွားရာဘက်သို့ ဖြစ်၍ Circle of Fourths မှာ လက်ဝဲဘက် နာရီလက်တံပြောင်းပြန်ရစ် ဖြစ်ပါသည် ။ Circle of Fifths မှာ sharp များအတွက်ဖြစ်ပြီး Circle of Fourths မှာ flat များအတွက် ဖြစ်ပါသည် ။ flat scales များအတွက် Circle of Fourths လေ့ကျင့်ခန်းများကို ထပ်မံလေ့ကျင့်ပါမယ်။ အွီ ! သေပြီ ဆရာ L

ပထမဆုံး Natural scale / C major scale ကိုရေးချလိုက်ပါ ။ (ရေးလိုက်ပါအုံး ကိုကိုရယ်.. နော် :) )

၎င်း၏ 4^th degree (F)ကိုယူ၍ one octave ပြည့်အောင်ရေးချလိုက်ပါ ။ (မောင် ! ရေးလိုက်လေ… ဘာလုပ်နေတာလဲ … :( ) ( အေးပါကွာ .. မောင် ခဲတံချွန်နေလို့ :P )

3^rd , 4^th နှင့် 5^th degrees များတွင် formulaနှင့် မကိုက်ညီသည်ကို တွေ့ရပါမည် ။ အဆင်ပြေဆုံး နည်းလမ်းမှာ B ကို flat လုပ်ပေးခြင်းပင်ဖြစ်ပါသည် ။ (လုပ်လိုက်တော့…ကိုကို့)

Formula နှင့်ကိုက်ညီသော one flat / B flat ပါဝင်သော F major scale ကိုရရှိပါသည် ။ ဤနည်း အတိုင်း 4^th degree များကိုယူ၍ scaleသစ်များကို ထပ်မံပြုလုပ်ပါမည် ။ Circle of Fourths ၏ အလွယ်ဆုံးနည်းလမ်းမှာ - 4^th degree များကိုယူ၍ scaleသစ်ချရေး ၊ ပါဝင်သော flatများကို ပြန်ထည့်ပြီးနောက် 4^th degree ကို flatလုပ်ပေးခြင်းပင်ဖြစ်ပါသည် ။ အောက်တွင်ပေးထားသော scaleများကို လေ့ကျင့်လိုက်ပါ ။ ဟေ ဟေ့ … ကျင့်လိုက်ပါ ကျင့်လိုက်ပါ ကိုကိုကျင့်လိုက်ပါ …. :P

Ques;1     

Ques;2

Ques;3

Ques;4

Ques;5

Ques;6

 

Flat scaleများတွင် Root noteများသည် flatများဖြစ်သောကြောင့် အစနှင့်အဆုံးတွင် ပါဝင်သော်လည်း flat တစ်ခုတည်းပင်ဖြစ်ပါသည် ။ အောက်တွင်ပေးထားသော အဖြေများတွင် တိုက်ဆိုင်ကြည့်ပါ ။ (ထီတိုက်သလိုကြည့်နော်)

Ans;1  B♭major

Ans;2  E♭major

Ans;3  A ♭major

Ans;4  D♭major

Ans;5  G♭major

Ans;6  C♭major

 

Flat scalesများနှင့် ပါဝင်သော Flatများကို အောင်တွင်ဇယားဖြင့် ရေးပေးထားပါတယ် ။ Scalesများနှင့် ပါဝင်သော Flatအားလုံးသည် 4^th degree အစဉ်လိုက်ပါဝင်ကြောင်း တွေ့ရပါမည် ။ ပါဝင်သော flat များကို ကျက်မှတ်ရာတွင်လည်း 4^th degree အစဉ်အတိုင်းပင် ကျက်မှတ်ရပါမည် ။ ဥပမာ - Ab major scale တွင်ပါဝင်သော flatများ … Bb,Eb,Ab,Dbဟု အစဉ်လိုက် ရွတ်ဆိုပါ ။ ပိုပြီးမှတ်မိလွယ်အောင် စာရွက်ပေါ်တွင် ချရေးပြီး ကျက်လိုက်ပါ ။ တီး၍လည်းကျင့်ပါ ။  :)

Flat and Sharp scales များမှထူးခြားချက်များမှာ (5# B Major = 7b Cb Major) (6# F# Major = 6b Gb Major) (7# C# Major = 5b Db Major) စသည့် scaleများသည် နုတ်ရေးသားပုံ ကွဲပြားသော်လည်း ၄င်းတို့၏အသံ(Pitch)များသည် ထပ်တူညီမျှတူညီ ကြပါသည် ။ ထိုသို့ အသံတူပြီး ရေးပုံကွဲသော scaleများ/noteများကို Enharmonic ဟုခေါ်ပါသည် ။ ဘယ်လိုခေါ်ခေါ် အရာကြီးနဲ့ ဘာဘူကြီးပါပဲ ။ scale theory ကိုကျေညက်ပြီဆိုရင် Major scale ထဲမှာပါဝင်တဲ့ drgreeများရဲ့အမည်တွေကို မှတ်သားကြပါမယ် ။ (ကတောက်! ဒီအရူးတော့ အမျိုးမျိုး စိတ်ဒုက္ခပေးနေတော့တာပဲ :( )  :D

 

လောလောဆယ်တော့ degree နှင့် names ကိုသာမှတ်ထားလိုက်ပါ။ Intervals အကြောင်း အသေးစိတ်လေ့လာပြီးတဲ့အခါ Definitionsတွေကို နားလည်သွားပါလိမ့်မယ် ။

Key Signatures

Key signature ဆိုတာ Keyတစ်ခုမှာပါဝင်တဲ့ flat / sharp တွေကို စုစည်းဖော်ပြထားတဲ့ အမှတ်အသားတစ်ခုပါ ။ Staff၏ Clef sign နှင့် time signature တို့ရဲ့ကြားမှာရေးသားပါတယ် ။

 

 

ပုံမှာတွေ့ရတဲ့အတိုင်း Natural key ခေါ်တဲ့ C major key မှာ flat/sharp မပါဝင်ပေမယ့် တခြား keyတွေမှာ flat/sharpများပါဝင်ကြပါတယ် ။ ဥပမာ - G major keyတွင် 1 sharp ပါဝင်ပြီး ၊ ပါဝင်တဲ့ sharp မှာ F# ဖြစ်ပါတယ် ။ ထို့ကြောင့် 5^th line (F)တွင် sharp sign ကိုရေးထားပြီး ၊ ထိုkeyတွင် ပါဝင်သော F noteများကို sharpလုပ်၍ တီးရပါမယ် ။ ကျန်တဲ့keyတွေလည်း ဒီလိုပါပဲ ။ sharp key များတွင် ပါဝင်သော sharpများကို F#,C#,G#,D#,A#,E#,B# ဟု အစဉ်လိုက်ရေးသားပြီး ထိုပါဝင်သော note များကို sharp လုပ်ပြီးတီးရပါမယ် ။ Flat keyများတွင်လည်း ပါဝင်သော flatများကို အစဉ်လိုက်ရေးသားပြီး ထိုနုတ်များကို flat လုပ်ပြီးတီးရပါမယ် ။ အခုတွေ့ခဲ့ကြတဲ့ key အားလုံးဟာ diatonic major key တွေပါ ။ ၄င်းတို့နှင့်ဆက်စပ်နေသော minor key များအကြောင်း ကိုလည်း သိထားသင့်ပါတယ် ။ (minor scaleအကြောင်း နောက်ပိုင်းတွင် ရှင်းပါမယ် :) )

 

Relative keys

Relative key ဆိုသည်မှာ major နှင့် minor scales များသည် Root/tonic မတူညီကြသော်လည်း key signature တစ်ခုတည်းကိုသာ အတူတကွအသုံးပြုကြသော key များကိုဆိုလိုပါသည် ။ Major scale ရဲ့ 6^th degree ဖြင့်စသော Minor scaleများမှာ Relative scale ဖြစ်၍ Relative key ပင်ဖြစ်ပါသည် ။ ဥပမာ - C major scale ၏ 6^th degree ဖြစ်သော A minor scale သည် C major scale ၏ Relative minor scale ဖြစ်၍ Relative minor key ပင်ဖြစ်ပါသည် ။

အောက်တွင်ဖော်ပြပေးထားသော ဇယားကွက်တွင်ကြည့်နိုင်ပါသည် ။

နောက်စာမျက်နှာသို့ >>>>>> Intervals